Mesedez, sartu zure kontuaren helbide elektronikoa. Egiaztapen kodea bidaliko zaizu. Hura jaso ondoren, pasahitz berria aukeratu ahal izango duzu zure konturako.

20 Uztaila 2018

Lagunkoitasuneko jardunbide egokiak Europan II JARDUNALDIA

 

ERRESERBATU SARRERA

 

2017ko azaroaren 15ean, Bilbon (Guggenheim museoko Auditorioan) ospatu zen lehen jardunaldi arrakastatsuaren ondoren, datorren irailaren 14an, “Lagunkoitasuneko jardunbide egokiak Europan” II Jardunaldia ospatuko da Gasteizko Europa jauregian, goizeko 9:30etan hasi eta 13:30ak arte.

Jardunaldi honen helburua esperientzia berritzaileak eta sortzaileak partekatzea da, Euskadin lagunkoitasuna bultzatzen lagunduko dutenak, alegia. 

Alex Kalache, Brasilgo Longevity Center-eko nazioarteko fundatzaile eta presidentea, zahartzaro aktiboko HelpAge International erakundeko nazioarteko enbaxadorea eta OMEren zahartzaro eta bizitza zikloko sailaren zuzendari ohia izango da hitzaldiari hasiera emango diona. Alex Kalache, lagunkoitasunaren pentsatzaileak eta mugimendu honi hasiera eman zionak, 10 urte hauetan mundu mailan emandako aurrerapausoak, desafioak eta ikasitakoa azalduko dizkigu. 

Gai desberdinak jorratuko dituzten bi mahai egongo dira, batetik europa mailan, eta bestetik estatu mailan, lagunkoitasunaren inguruan aurrera eraman diren ekimenak azalduko dizkigutenak.

1. Mahaia: Europako jardunbide egokiak

Angélique Giacomini, Adineko Pertsonekin lagunkoiak diren hirien sare frankofonoko prestakuntza eta ikerkuntzako arduradunak, “Lagunkoitasunean frantziako Esperientzia: Réseau Francophone es Villes Amies des Aînés” hitzaldia eskainiko du. Frantziako ekimen honek ibilbide luzea du eta atxikita dauden 100 udalerri baino gehiagotan garatzen da. 

Ondoren, Stephen Johnston Aging2.0 and CEO of Fordcastle sortzaile kideak, “Zahartzaroaren inguruan berrikuntza ekosistema bat sortzen Europan” gaiaren inguruko azalpenak emango ditu.

Azkenik, Fiona Murphy, End Loneliness kanpainako managerrak, “Bakardadearen abordatzea Erresuma Batuan: Campaign to End Loneliness” kasua azalduko du.

2. Mahaia: Estatuko jardunbide egokiak

Berta Cormenzana, Hiri ekologia atalaren proiektu-buru Bartzelonako Hiri-ekologia agentzian eta Superilles/supermanzanas ekimenaren koordinatzaile teknikoak, “Supermanzanas: Hirigintza herritarren eskura. Bartzelona” hitzaldia eskainiko du. Bartzelonako esperientzia adibide garbia da hiri handi batek hirigintzaren bitartez auzo eta eremu desberdinak pertsonekiko lagunkoiak nola izan daitezkeen azaltzeko. 

Ondoren, Cristina Suárez, Mi barrioko zuzendariak, “Nire plaza: auzo bizitza egiteko App-a. Kanariak” gaia aurkeztuko du. Komunitatearen zerbitzura dauden aplikazioen erabilerak hiritarren eta azutoarren arteko erlazioak bultzatzen ditu. 

Azkenik Lorena Ruiz, Experimenta Distrito proiektuko koordinatzaileak, “Experimenta Distrito: auzoetarako ideien garapen kolaboratiboa. Madril” lana aurkeztuko du. Madrilgo auzo ezberdinetan garatzen ari diren ekimena da, parte hartzeari loturiko hiri-laborategi modura.

Atsedenaldian zehar Joseba Muruzabalen "Fenómenos do rural" erakusketaz gozatu ahal izango dugu. Adinari loturiko estereotipoak deuseztatzeko adibide bikaina. Aipaturiko artistak formatu handian eginiko koadroak jarriko ditu ikusgai, Galiziako hainbat herritako fatxadak apaintzen dituzten mural handiekin batera doazenak, non protagonistak "superbotereak" dituzten landa eremuko adineko emakumeak diren, euren indarra islatuz eta gizartean eta ekonomian duten garrantzia balioan jarriz. 

Eusko Jaurlaritzako Enplegu eta Gizarte Politiketako sailak Matia Institutuaren laguntzarekin antolatu duen jardunaldi honek ondorengo hartzaileak ditu:

• Hainbat herri eta hiritako lagunkoitasun-proiektuetan parte hartzen duten pertsonak.
• Bizi-kalitatea eta ondasun komuna hobetzen diharduten elkarteak eta GKEak.
• Zahartzearen, hirigintzaren eta gizarte-berrikuntzaren arloetako profesionalak eta adituak.
• Zahartzearen, hirigintzaren eta gizarte-berrikuntzaren arloetako profesionalak eta adituak.
• Herritarrak oro har.

Irailean burutuko den bigarren jardunaldi honetan, honako helburu hauek hau lortu nahi dira:

• Udalerri, herri eta hiriek zer erronka eta behar dituzten hausnartzea, zahartze-prozesura egoki daitezen..
• Beste herrialde eta hiri batzuek lagunkoitasunaren esparruan martxan jarri dituzten esperientzia berritzaile eta kreatiboak trukatzea.
• Beste batzuek jardunbide egokiak nola gauzatu dituzten eta jardunbide horiek euskal testuinguruan aplikatzeko zer aukera dauden ikastea.
• Euskadi Lagunkoiako Jardunbide Egokien Bankua ezagutaraztea.
• Lagunkoitasunean bere berrikuntza eta eraginkortasunagatik nabarmentzen diren Euskal Herriko eragileek garatutako jardunbideak balioetsi.
• Euskadi Lagunkoia jardunbide egokien sari-banaketa

Egun honetako egitarauarekin amaitzeko “Euskadi Lagunkoia Lagunkoitasunean Jardunbide Egokien” Sari-banaketa eta itxiera eskainiko dira.

Informazio gehiagorako, irailaren 14an, Gasteizko Europa Jauregian ospatuko den II. Jardunaldiko programa eskuratu.

ERRESERBATU SARRERA

 

20 Uztaila 2018

Igorreko udalerria abuztuaren 8tik 10era Toronton (Kanada) ospatuko den 14. Nazioarteko IFA Kongresuan parte hartzera gonbidatua izan da

Itsaso Bengoetxea, Igorreko Bizi Batzordea ekimeneko taldekidea, izango da egindako lana aurkezteaz arduratuko dena abuztuaren 8an

20 Uztaila 2018

Igorre udalerri bizkaitarra, Torontoko (Kanada) Nazioarteko Kongresurako hautatua izan da

Igorrek, herrian garatu duten Euskadi Lagunkoia proiektua aurkeztuko du abuztuaren 10ean Toronton burutuko den Nazioarteko Kongresuan.